八六年猛鬼傳說

    八六年既新春,大關旅行社一個女領隊帶團去海南島,果時既海南島無咩夜生活,所以女領隊響到左當地既當晚,(初一晚)買左好多花生啤酒,同班團友坐響空地樹,傾下計談下心,差唔多時間就返酒店休息,並講定第朝幾點響酒店集合當中有兩個來自香港既單身男團友被編入一間房,或者過慣夜生活既佢地,太早訓唔著,所以其中一個提議去附近一個叫小東海既海灘傾下計。
    到達後,一個響海灘玩沙執貝殼,一個落左水遊水……過左陣,執貝殼果個男仔發覺另外個男仔遊遊下水唔見左,個男仔不以為意,以為男仔遊遊下水可能上返岸返左酒店,所以個男仔自己返酒店,無匯合果個遊左水既男仔。
    第二日,果個遊左水既男仔仍然無返酒店,領隊問起,佢同房就話琴晚去過邊度邊度,於是領隊同導遊都推算呢個男仔可能離開左去探佢響海南島既親戚,商議後決定由個領隊留守酒店等個男仔,導遊同其他團友繼續出去玩,
    可惜直至個導遊玩完返黎,個男仔仲未出現,領隊同導遊最後決定報警,結果,響附近既小東海撈起條屍,領隊同導遊認屍後,證實系果個失蹤既男仔.....屍撈起時,全身白腫,口同鼻孔都塞滿沙,死狀恐怖,由於新春期間醫院唔開,所以條屍被逼運去佢地住既酒店,開到最大既冷氣再用冰密封,市政府同時亦通知死者響香港既傢人盡快黎認屍,可惜新年期間,辦出入境手續好麻煩,結果佢既傢人延誤差唔多兩個禮拜先趕到去,市政府解剖屍體後,未等佢傢人過黎就燒左條屍,最後佢既傢人獲旅行社三萬蚊既賠償,佢傢人亦將佢既骨灰帶返香港,事情暫時好似告一段落……